Inter fil-Ġappun għal turnament internazzjonali

Inter illum se jkunu qed jitilqu lejn il-Ġappun fejn se jkunu qed jilagħbu f’turnament tas-sajf u jaffaċċjaw lil Al Nassr ta’ Cristiano Ronaldo fis-27 ta’ Lulju u Paris St Germain ta’ Milan Skriniar fl-1 t’Awwissu. Wara li ħarġu rebbieħa fil-partiti ta’ ħbiberija kontra Lugano u Pergolettese, il-kowċ Simone Inzaghi se jkompli jara aktar mill-viċin lill-plejers tiegħu u jevalwa l-kundizzjoni fiżika tagħhom.