Inter qed ifittxu li jiksbu goalkeeper ġdid hekk kif dak attwali Andre Onana jinsab ferm qrib li jissieħeb ma’ Manchester United.
L-iktar wieħed li qed jissemma’ hu l-Ukren Anatoliy Trubin ta’ Shaktar Donetsk għalkemm f’dawn l-aħħar sigħat issemmew ukoll ismijiet oħra fosthom Marco Carnesecchi, Yann Sommer u Giorgio Mamardashvili.
Dan tal-aħħar jogħġob ħafna lill-kowċ ta’ Inter Simone Inzaghi għalkemm il-klabb tiegħu Valencia qed jitlob €30 miljun sabiex jitlaq.
