Antonio Conte mistenni jħalli lil Tottenham Hotspur meta jiskadilu l-kuntratt fis-sajf li ġej hekk kif Inter għamlu kuntatt mal-aġent tiegħu minkejja li Juventus qed juru interess qawwi fis-servizzi tiegħu.
Il-coach Taljan ta’ 53 sena ma kellux staġun pożittiv fit-tramuntana ta’ Londra. Minkejja li Spurs jinsabu fir-raba’ post, dan l-aħħar għaddew minn sensiela ta’ riżultat negattivi li jistgħu jarawhom ma jikkwalifikawx għall-UEFA Champions League.
U meta fadal inqas minn erba’ xhur biex jintemmlu l-kuntratt, Tottenham huma konxji li jridu jfittxu coach ġdid biex imexxi lit-team. Fil-veritá, il-formula bejn Conte u l-ġerarkija ta’ Spurs qatt ma ħadmet.
Min-naħa l-oħra, Conte qed jissemma’ bħala l-favorit li jkun is-suċċessur ta’ Simone Inzaghi hekk kif il-pożizzjoni tiegħu hija mhedda.
Jekk Conte jingħaqad mal-club tal-belt ta’ Milan, din tkun it-tieni avventura tiegħu wara li mexxa lit-team bejn l-2014 u l-2016. Fl-ewwel staġun huwa ggwidahom għall-finali tal-Europa League … u f’dak sussegwenti lejn ir-rebħ tal-Iscudetto.
Juventus huma wkoll marbutin ma’ mossa possibbli għal Conte jekk jiddeċiedu li jkeċċu Massimiliano Allegri.
