Fis-Serie A, Inter għelbu lil Salernitana bl-iskor ta’ 2-0 bil-goals jaslu wieħed f’kull taqsima.
Kien Lautaro Martinez li fetaħ l-iskor fl-14-il minuta b’xutt qawwi minn barra l-kaxxa li ħasad għal kollox lill-goalkeeper Luigi Sepe.
F’nofs l-ewwel taqsima, Salternitana kienu fortunata li ma tkeċċiex Flavius Daniliuc meta waqqa’ lil Denzel Dumfries li ħarab waħdu.
It-tieni goal wasal fit-58 minuta meta Nicola Barella kkontrolla l-ballun minn cross fit-tul ta’ Hakan Calhanoglu qabel ma xeħet fix-xibka.