Inter qed jippjanaw li jiffirmaw lill-goalkeeper ta’ Ajax, Andre Onana, bħala free agent fis-sajf tal-2022.
L-internazzjonali tal-Kamerun – li għadu qed iservi sospensjoni minħabba doping – se jara l-ftehim tiegħu maċ-champions tal-Eredivisie jiskadi fi tmiem l-istaġun kurrenti.
Onana kien marbut ħafna ma’ ċaqliq ma’ Arsenal u Lyon matul l-iktar tieqa ta’ trasferimenti reċenti, iżda l-goalkeepr ta’ 25 sena fl-aħħar baqa’ ma’ Ajax waqt li l-Gunners akkwsitaw lil Aaron Ramsdale.
Intant, Inter, qed jippjanaw għat-tluq ta’ Samir Handanovic – li daħal fl-aħħar 12-il xahar tal-ftehim tiegħu u jagħlaq 38 sena s-sena d-dieħla – u r-rebbieħa tal-Iscudetto matul l-istaġun li għadda huma kkonfermati li huma interessati f’Onana.
Il-Kap Eżekuttiv ta’ Inter Giuseppe Marotta qal: “Onana huwa goalkeeper interessanti, żgur. Qegħdin nissorveljaw xi opportunitajiet.”
Onana rebaħ żewġ titli tal-Eredivisie u wasal sas-semi-finali taċ-Champions League minn meta ngaħaqad ma’ Ajax mingħand Barcelona, u żamm 83 clean sheet f’204 logħba għall-club immexxi minn Erik ten Hag.
