Inter Miami taw merħba lill-kowċ il-ġdid tagħhom Javier Mascherano li ngħaqad mat-tim mill-Major League Soccer uffiċjalment ilbieraħ. Dan l-eks plejer Arġentin għandu 40 sena u m’ilux beda l-karriera ta’ kowċing fejn mexxa lit-tim nazzjonali tal-pajjiż fil-kategorija ta’ taħt l-20 u t-23 sena. Għalih din se tkun l-ewwel esperjenza ma’ klabb tal-futbol.
Id-diriġenti ta’ Inter Miami laqgħu lil Mascherano u qalu li hu ta’ pjaċir għalihom li se jkollhom kowċ żagħżugħ mimli entużjażmu li se jdaħħal mentalita’ ġdida fi ħdan il-plejers tiegħu.