Inter qed isegwu sew il-profil tal-attakkant Iranjan ta’ Porto Mehdi Taremi. Wara li t-tim minn Milan ma rnexxielux iġib lil dan il-plejer fis-suq tat-trasferimenti tas-sajf, id-direttur sportiv Beppe Marotta ma qatax qalbu u wiegħed lill-kowċ Simone Inzaghi li se jipprova jġiblu lil dan l-iskorer prolifiku.
Minkejja kollox, Porto ma tantx huma ħerqana li jċedu lill-istess Taremi aktar u aktar għax qed jippruvaw jiksbu kwalifikazzjoni għat-tieni fażi tal-UEFA Champions League fejn bħalissa jinsabu fit-tielet post tal-grupp tagħhom.
Taremi għandu 31 sena u ilu ma’ Porto sa mis-sena 2020 fejn lagħab 107 partiti u skorja 57 gowl.Mehdi Taremi
