Inter mistennija jħabbru telf ta’ €130 miljun-€140 miljun għall-2021-22.
Il-laqgħa tal-bord tal-klabb se ssir nhar l-Erbgħa fil-preżenza tal-president, Steven Zhang, li l-ultras ta’ Curva Nord ikkritikaw bil-kbir fl-aħħar jiem.
In-Nerazzurri se jħabbru telf ta’ €130 miljun-€140miljun, ftit aktar li l-club stess kien qed jantiċipa … jiġifieri €120 miljun.
Madankollu, Inter xorta tejbu l-qagħda finanzjarja tagħhom peress li fis-sena finanzjarja preċedenti kienu tilfu €254 miljun
Waqt il-laqgħa tal-bord ta’ Inter li se tkun mifruxa fuq jumejn, Zhang mhux mistenni jagħti l-ebda aġġornament dwar il-futur tan-Nerazzurri fost xnigħat li Suning qed ifittxu xerrejja potenzjali interessati li jakkwistaw sehem ta’ maġġoranza fil-club.
Jista’ jkun hemm aktar aġġornamenti fuq din il-kwistjoni fl-aħħar ta’ Ottubru waqt il-laqgħa tal-azzjonisti ta’ Inter.
L-Ultras ta’ Inter ilhom jinsistu biex Zhang ibigħ il-club, waqt li fi tmiem il-ġimgħa żvelaw diversi banners … ‘Zhang Vattene’ jew aħjar “Zhang itlaq ‘l hemm.
