Fis-Serie, il-leaders Inter fallew żewġ punti mill-aktar importanti meta ġew miżuma fi draw ta’ 2-2 minn Parma wara li fetħu vantaġġ ta’ żewġ goals minn Matteo Darmian (15) u Marcus Thuram (45). Iżda Adrian Bernabe (60) u Jacob Ondrejka (69) salvaw ir-riżultat għal Parma.
Monza v Como – Barra minn darhom Como għelbu lit-team ta’ qiegħ il-klassifika, Monza, bl-iskor ta’ 3-1 biex issa jinsabu f’żona komda. L-iskorers kienu Jonathan Ikone (16), Assane Diao (39) u Mergim Vojvoda (51) wara li Dany Mota (5) fetaħ l-iskor għal Monza.
Genoa v Udinese – Genoa laqgħu lil Udinese u għelbuhom bl-iskor ta’ 1-0 liema riżultat ma tantx affettwa l-konfini tal-klassifika minħabba li ż-żewġ timijiet jinsabu xxamplati f’nofs il-klassifika. L-uniku goal tal-partita wasal minn Alessandro Zanoli (77).
