Ġie ppubblikat it-tender tal-proġett ta’ riġenerazzjoni tax-xatt ta’ Birżebbuġa. Ħabbar dan il-Ministru għat-Turiżmu Clayton Bartolo permezz ta’ kitba fuq Facebook.
Huwa qal li r-riġenerazzjoni taż-żoni turistiċi huwa eżempju ta’ kif itejbu b’mod tanġibbli l-prodott turistiku ta’ pajjiżna. “Għalhekk se nsaħħu l-impenn tagħna biex inkomplu ninvestu fl-inħawi kollha tal-Gżejjer Maltin,” qal il-Ministru Bartolo.
Intant, is-Sindku ta’ Birżebbuġa Scott Camilleri sostna li bħala lokalità ilhom għal diversi snin jistennew dan il-proġett. Qal li jidher ċar li hemm impenn finanzjarju biex dan isir.
