Ir-Reġina Sonja tan-Norveġja li għandha 87 sena, iddaħlet b’emerġenza l-isptar wara li bdiet tesperjenza diffikultajiet biex tieħu n-nifs. F’Jannar li għadda hija kellha intervent fejn tpoġġilha pacemaker.
Dan tħabbar b’mod uffiċjali mill-palazz fejn ingħad li, “ir-Reġina ġiet trasportata b’ħelikopter mediku mir-royal chalet f’Sikkilsdalen fejn il-koppja rjali kienu qegħdin iqattgħu l-festi tal-Għid”.
Ir-Reġina Sonja kienet rikoverata għal ftit ġranet fi sptar f’Jannar li għadda wara li esperjenzat problemi tal-qalb. Il-proċedura li fiha tpoġġilha pacemaker kienet deskritta bħala waħda ta’ suċċess.
