Il-Prim Ministru Ingliż, Boris Johnson talab biex isir pjan li permezz tiegħu r-Renju Unit itemm id-dipendenza fuq iċ-Ċina għall-provvista medika.
Jidher li tant kemm qed jieħu dan il-pjan bis-serjetà, li jekk ikun hemm bżonn lest li ċerti industriji ewlenin jiġu ripatrijati fir-Renju Unit.
Fid-dawl tal-kriżi kkawżata mill-Coronavirus, Johnson talab lill-ħaddiema taċ-ċivil biex ifasslu pjani dwar kif ir-Renju Unit jista’ jtemm din id-dipendenza fuq iċ-Ċina għal provvisti mediċi importanti u importazzjoni oħra.
Din l-inizjattiva, imlaqqma bħala “Project Defend”, tinkludi pjani ta’ riċerka dwar l-akbar vulnerabbiltajiet ekonomiċi li għandu r-Renju Unit minn potenzjalment gvernijiet ostili barranin.
Dan il-proġett hu parti minn approċċ ġdid għas-sigurtà nazzjonali mmexxi mis-Segretarju tal-Affarijiet Barranin Dominic Raab.
