Waqt li kienu jinsabu fil-Palazz tal-President, kemm il-President ta’ Malta George Vella kif ukoll l-Qdusija Tiegħu l-Papa Franġisku taw rigali lil xulxin.
Ir-rigal tal-Papa lill-President kien inkwatru b’medalja mnaqqxa ta’ San Pawl Nawfragu.
Fiha jispikkaw elementi Maltin hekk kif fuq in-naħa tax-xellug hemm il-Katidral, filwaqt li fuq in-naħa tal-lemin hemm is-Santwarju ta’ Pinu.
Fl-istess waqt, il-President ta’ Malta ta pittura li fuqha hemm ukoll il-figura ta’ San Pawl bil-messaġġ mill-vers tal-Innu Malti “Seddaq il-għaqda fil-Maltin u s-sliem.”
