Il-kumpanija robotika Boston Dynamics xerrdet filmat ta’ r-robot bl-isem ta’ Atlas li jagħmel stunts, fejn kull ma jmur iktar qed jaraw li kull stunt li jagħmel qed tidher aktar umana u rejali.
Atlas huwa l-iktar robot humanoid dinamiku u s-sistema ta’ kontroll tiegħu hija magħmula b’wieħed mill-aktar hardwares avvanzati possibbli. Dan għalhekk jagħti lir-robot il-qawwa u l-bilanċ biex juri movimenti li jixbħu lil dak tal-bniedem.
Il-kumpanija tar-robotika xerrdet il-filmat fuq Instagram fejn qalet,” Wasal iż-żmien li Atlas jkollu sett ħiliet ġodda.”
Bħala parti mill-proċess tagħha, din il-kumpanija twettaq numru kbir ta’ esperimenti u testijiet fuq dan ir-robot, mingħajr limitu, bil-għan li l-movimenti robotiċi tiegħu jkun iqarreb lejn dak ta’ bniedem.
