L-għoti tal-premjijiet tar-Rolex Middle Sea Race tal-2021 kienet avveniment ikkargata ħafna. Mid-diskors tal-Eċċellenza Tiegħu l-President ta’ Malta, iċ-ċapċip għar-rebbieħa u l-film tal-għeluq li jiċċelebra t-42 edizzjoni, din kienet opportunità biex nirriflettu fuq dik li għal snin twal kienet waħda mill-aktar tlielaq spettakolari u ta’ sfida. It-temp kważi perfett li wassal għal sett perfett ta’ riżultati kemm fil-kategoriji multihull kif ukoll monohull.
Il-MOD70 Argo ta’ Jason Carroll kien l-ewwel li spiċċa, u ħa l-unuri tal-linja multihull. It-trimaran Amerikan irreġistra ħin li kiseb ukoll rebħa fil-klassi taħt il-korrezzjoni tal-Ħin fik-kategorija MOCRA u naqqas ir-rekord tat-tellieqa għal kollox b’14.5 siegħat. Argo spiċċat it-tellieqa ta’ 606 mil nawktiku fi 33 siegħa, 29 minuta u 28 sekonda.
Ir-rebħa ġenerali fir-Rolex Middle Sea Race taħt il-korrezzjoni tal-ħin IRC marret għal Comanche (CAY). Misjuq minn Mitch Booth b’ekwipaġġ elite ta’ talent Olimpiku, America’s Cup u tat-tlielaq tal-oċeani, il-maxi mitt pied temm it-tellieqa f’40 siegħa, 17-il minuta u 50 sekonda, seba’ sigħat u nofs inqas mir-rekord preċedenti. Meta ħa l-unuri tal-linja, Comanche stabbilixxa wkoll rekord ġdid ta’ tiġrijiet monohull, u fl-aħħar għeleb il-ħin stabbilit mir-Rambler ta’ George David fl-2007.
Fl-għoti tal-premjijiet finali, Booth aċċetta t-trofew mill-isbaħ tar-Rolex Middle Sea Race f’isem Comanche, u għamel referenza speċjali għall-fatt li dan kien sforz ta’ tim b’madwar 30 persuna involuti.
Booth kompla billi rrikonoxxa s-sinifikat tar-rebħa: “Ir-Rolex Middle Sea Race hija waħda mill-avvenimenti mill-aqwa fit-tlielaq offshore u li toħroġ bit-trippla hija rari ħafna. Din it-tieqa tat-temp kienet perfetta, u kellna x-xorti li ndawru l-kantunieri fil-ħin it-tajjeb. Kellna kollox mitfugħ lejna – riħ qawwi, xita, sajjetti, mewġ enormi. Kienet tassew ta’ sfida.”
David Cremona, Commodore tar-Royal Malta Yacht Club, beda l-indirizz tal-ftuħ tiegħu b’: “Ara naqra, X’tellieqa.” L-espressjoni sempliċi ta’ stagħġib li tiġbor dak li kien kompetizzjoni ta’ ispirazzjoni. Hu lompla, “Illum għandna żewġ rekords ġodda. Rekord multihul miksub minn Argo u rekord monohull għal Comanche. Min se jkunu l-isfidanti li jmiss għal dawn il-ħinijiet?”
Il-Commodore Cremona rringrazzja lill-Kumitat tat-Tlielaq – partikolarment lil Georges Bonello Dupuis u Peter Dimech – kif ukoll lill-istaff permanenti u l-voluntiera tal-klabb talli ħadmu bla waqfien. Huwa esprima wkoll grazzi għall-appoġġ tal-imsieħba tat-tellieqa, l-isponsors u, l-aktar importanti, il-parteċipanti: “Sena wara sena r-Rolex Middle Sea Race tkompli tattira fluss kostanti ta’ dħul mill-irkejjen kollha tad-dinja. L-organizzazzjoni hija proċess kontinwu. Wieħed jispiċċa u l-preparazzjoni għall-edizzjoni li jmiss tibda immedjatament.”
Dr George Vella, il-President ta’ Malta, irrefera għall-konnessjonijiet li ilhom il-gżira mal-baħar. “Il-post għal din iċ-ċerimonja huwa xieraq. Is-Sacra Infermeria inbniet mill-Kavallieri ta’ San Ġwann li kienu baħrin. Tul l-istorja tagħha Malta dejjem kienet pajjiż li jbbaħar u r-Rolex Middle Sea Race terġa’ tagħti l-ħajja lil din l-istorja. Nixtieq infaħħar lir-Royal Malta Yacht Club talli organizza din it-tellieqa għal sena oħra. Wieħed mill-aktar elementi importanti tat-tellieqa mill-bidu tagħha fl-1968 kien l-aspett multikulturali tagħha, li tattira tant nies b’lingwi u sfondi differenti b’imħabba komuni għal sport komuni.”
Waqt li feraħ lill-ekwipaġġi kollha għar-reżiljenza tagħhom quddiem it-temp serju, l-Eċċellenza Tiegħu għażel it-timijiet fuq Comanche u l-ewwel dgħajsa Maltija li spiċċat it-tellieqa, Artie III, għall-wirjiet impressjonanti tagħhom.
It-43 Rolex Middle Sea Race tibda nhar is-Sibt 22 ta’ Ottubru 2022.
