Bejn il-Ġimgħa, l-1, u l-Ħadd, it-3 ta’ Awwissu, is-Sewwieqa Maltija tal-Karts Jessica Calleja kienet fil-Franciacorta Karting Track f’Brescia fl-Italja biex tikkompeti fis-7 rawnd tal-Kampjonat tal-Italja Rok Cup.
Wara li ssettjat il-kart, fis-sessjonijiet ta’ tas-Sibt, Calleja spiċċat bħala l-10 l-aktar sewwieqa veloċi fuq it-track. Madankollu, il-kwalifikazzjoni kienet aktar diffiċli milli mistenni, u spiċċat il-ġurnata fil-pożizzjoni 22.
It-tlielaq tal-Ħadd filgħodu ġabu xi ftit inkoraġġiment. Calleja reġgħet lura fil-pass; madankollu, il-pass deher li naqas aktar tard. Fl-Ewwel Heat, spiċċat fis-26 post minħabba penalità, u fit-Tieni Heat, irtirat kmieni wara li ħabta.
Diżappuntata iżda determinata Calleja qalet, “ma kienx il-weekend li kont nittama għalih, iżda kull tellieqa hija lezzjoni. Se nibqa’ nirsisti u naħdem iebes għall li jmiss.” Calleja temmet billi rringrazzjat lill-isponsors tagħha Enemed, Visit Malta, Good Earth, Naturannis, Vsquared Media u t-tim tagħha Di Pietro Racing.