B’114 dgħajsa skedati li jibdew it-tluq tat-42 Rolex Middle Sea Race, għada s-Sibt 23 ta’ Ottubru, dilettanti tal-ibburdjar offshore qed jistennew bidu mill-aqwa.
Ir-Royal Malta Yacht Club għal darb’oħra irnexxila tattira flotta internazzjonali diversa u spettakolari għall-dan l-avveniment prominenti. Is-sejħa għar-reġistrazzjoni ħarġet aktar kmieni din is-sena, fl-isfond ta’pandemija globali, lockdowns u restrizzjonijiet tal-ivvjaġġar. Ħadd ma stenna li d-dinja tal-ibburdjar li kienet se tirrispondi b’daqshekk pożittiva. U, jekk irridu nemmnu l-esperti tat-temp, nistgħu nistennew xi ħaġa tassew speċjali.
Il-flotta tvarja fid-daqs minn 140 pied (42.56 metru) ‘l isfel għal xi 30 pied (9 metri flimkien). Skorpios, ir-rebbieħ tal-unuri tal-linja monohull fir-Rolex Fastnet Race tal-2021 qed jtellaq taħt it-tmexxija tar-rebbieħ tal-medalja tad-deheb Olimpika fil-klassi Tornado tal-2008, Fernando Echavarri.
Iż-żgħar huma s-Sunfast 3300 Munjek RS (CRO), il-J/99s Calypso (MLT), Space Jockey (RUS), u l-Hanse 311 Catina 4 (ITA). Fost il-flotta t-trio ta’ trimarani ta’ 70 pied (21m) – Maserati Multi70 (ITA), Mana (ITA) u Argo (USA) – u għadd ta’ jottijiet monohulls oħra jirrappreżentaw xi 25 pajjiż; kisba impressjonanti għal din it-tellieqa tant meqjusa.
X’imkien ieħor fil-flotta, it-tbassir qed jipprevedi tellieqa iebsa partikolarment għad-dgħajjes iżgħar. Hemm il-prospett li jiffaċċjaw irjieħ ta’ aktar minn 30 mil nawtiku matul it-tellieqa. Filwaqt li l-maxi monohulls u multis jistgħu jkunu qed iħarsu lejn passaġġ ta’ taħt il-jumejn, dawk aktar ‘l isfel fil-lista se jkunu fuq il-baħar sa sitt ijiem.
Ħafna għajnejn Maltin se jkunu fuq l-aħwa Podesta bil-jott Elusive 2 (MLT), rebbieħa tal-aħħar żewġ edizzjonijiet tar-Rolex Middle Sea Race, li qedin jimmiraw biex jiksbu t-tielet rebħa konsekuttiva. Din is-sena tara waħda mill-akbar rappreżentazzjonijiet Maltin fl-edizzjonijiet riċenti, bi 13-il jott. Andrew Agius Delicata u Matthew Gabriele qed jilqgħu l-isfida billi jikkompetu fil-klassi double handed bil-jott Vivace. “Ir-Rolex Middle Sea Race hija sfida kbira ħafna meta tghamel it-tellieqa b’ekwipaġġ sħiħ. Din hija t-tieni darba li qed nagħmluha double handed,” stqarr Delicata. “Ġejna r-raba’ l-aħħar darba, iżda qed nittamaw għal pożizzjoni tal-podju din is-sena. Nistennew li t-tellieqa ser tieħu bejn ħames u sitt ijiem, għalhekk se niffukaw fuq il-preservazzjoni tal-enerġija.”
Kemm jekk il-jott hija kbira jew żgħira ir-Rolex Middle Sea Race tal-2021 għandha l-karatteristiċi kollha ta’ tellieqa storika. Il-kombinazzjoni tat-tbassir tat-temp, flotta u korsa formidabbli hija prospett interessanti ħafna.
