Wednesday, April 2, 2025

Is-sidien taż-Żwiemel itellgħu in-numri tat-tluq għall-BOV Tazza l-Kbira

Aqra wkoll

L-istennija għall-finali tal-BOV Tazza l-Kbira qed dejjem tiżdied hekk kif is-sidien taż-żwiemel finalisti tal-BOV Tazza l-Kbira nġabru flimkien għat-tlugħ uffiċjali tan-numri tat-tluq għall-finali tant mistennija, liema finali se tkun it-tiġrija ewlenija fil-laqgħa tat-tiġrijiet li se ssir fit-13 ta’ April 2025. Dan It-tlugħ bil-polza jiżgura trasparenza fil-pożizzjonijiet tat-tluq għaż-żwiemel kollha parteċipanti.

L-avveniment ra lis-sidien jistennew bil-ħerqa l-pożizzjoni tat-tluq tagħhom, liema pożizzjoni jkollha rwol kruċjali fl-istrateġija u l-prestazzjoni tat-tellieqa. Il-proċess tat-tlugħ, li jiggarantixxi li kull żiemel ikollu opportunità ugwali, sar fil-preżenza tal-Kap Eżekuttiv tal-Malta Equidrome Dr Matthew Brincat u l-Uffiċjal Kap tal-Operazzjonijiet tal-BOV Ernest Agius fi ħdan il-Bank of Valletta fil-preżenza ta’ Tony Demanuele, Viċi-President tal-Malta Racing Clubu Max Zammit, CEO ta’ EquestriMalta.

“Wara kompetizzjoni intensa fir-rawnds preliminari u s-semifinali, 12-il żiemel għaddew għall-finali mid-79 żiemel parteċipanti, kollha mill-kategorija premier,” qal il-Kap Eżekuttiv ta’ Malta Equidrome. “Issa ninsabu ħerqana biex naraw liema żiemel se joħroġ bħala r-rebbieħ waqt avveniment li jwiegħed divertiment għall-familja kollha minbarra l-ispettaklu tat-tiġrijiet taż-żwiemel innifsu.”

 “Il-Bank of Valletta huwa sinonimu mal-isport lokali u din il-kollaborazzjoni tirrifletti d-dedikazzjoni tagħna biex nappoġġaw it-tradizzjonijiet lokali u ninkoraġġixxu l-eċċellenza fil-restazzjoni,’ qal is-Sur Agius. “Nistennew bil-ħerqa li naraw kompetizzjoni eċċitanti u niċċelebraw il-kisbiet tal-parteċipanti kollha.”

Il-finali tal-BOV Tazza l-Kbira se tinġera waqt il-laqgħa tat-tiġrijiet tat-13 ta’ April 2025 u se jkollha spettaklu ta’ tiġrijiet taż-żwiemel u programm ta’ divertiment li jinkludi spettaklu ta’ karozzi klassiċi bis-sehem ta’ ‘Rotta’. Il-parata tradizzjonali tal-finalisti parteċipanti titmexxa minn erba’ rebbieħa tat-Tazza l-Kbira fil-passat tat-tellieqa, Overtaker by Sib (2017), Up and Go (2019), Antoine du Bourg (2021) u Crack Money (2023)

In-numri tal-tluq kif ittellgħu:

  1. Fitzy de Vive

2 Al Capone Stecca

3 First des Charrons

4 Favori de Bry

5 Forban

6 Dats so Cool

7 Fuego du Mortier

8 Gold Dairpet

9 Galago du Cadran

10 Isabelle Sisu

11 Extra du Chatelet

12 Velvet Gio

Artiklu preċedenti

ĦALLI RISPOSTA

Jekk jogħġbok ikteb il-kumment tiegħek!
Jekk jogħġbok iktebismek hawn

Sport