Skond rapporti fil-media Spanjola, is-Super League Ewropew jista’ jibda mis-sena d-dieħla ladarba l-Qorti tal-Ġustizzja tal-Unjoni Ewropea tiddeċiedi rikors li għamlet hi stess.
Fil-fatt jekk din il-qorti issib li l-UEFA u l-FIFA għandhom il-monopolju sħiħ tal-logħob mingħajr id-dritt li jkun hemm konkorrenza xierqa, is-Super League Ewropew jista’ verament tibda.
Ħafna kritiċi tal-futbol Ewropew qed jistennew din is-sentenza li tista’ tbiddel sew id-dinja tal-futbol mhux biss Ewropew iżda wkoll mondjali.
