Isobel, tifla ta’ sentejn tilfet ħajjitha hekk kif waqgħet f’pond waqt l-ikla tal-Milied.
Il-każ seħħ f’Doncaster fir-Renju Unit u qiegħed jiġi rraportat li l-familja tagħha għamlu dak kollu posibbli biex isalvawha.
Rapport fil-midja Ingliża qegħdin jgħidu li għal xi raġuni t-tifla ħarbet minn taħt għajnejn il-ġenituri tagħha waqt iċ-ċelebrazzjonijiet tal-Milied li kienu qegħdin isiru fid-dar tal-familja.
Hekk kif indunaw li Isobel kienet nieqsa mill-ewwel bdew ifittxu, u x’ħin sabuha mgħarrqa fil-pond anke bdew jagħtuha CPR sakemm waslet l-ambulanza. Minkejja kull tentattiv biex tiġi salvata, Isobel ġiet iċċertifikata mejta fuq il-post.