Raġel indarab gravi wara li aktar kmieni għall-ħabta tat-7:55 a.m kien involut f’inċident li seħħ fi Triq l-Indipendenza f’Tal-Pietà.
Minn stħarriġ illi sar irriżulta li raġel ta’ 61 sena residenti Raħal Ġdid kien qiegħed isuq mutur tat-tip Kymco u għal xi raġuni tilef il-kontroll u ħabat ma’ siġra.
Ir-raġel ittieħed l-Isptar Mater Dei permezz t’ambulanza.
L-investigazzjonijiet tal-Pulizija għadhom għaddejjin.
