Raġel sofra ġrieħi gravi wara li Ilbieraħ għall-ħabta tas-6:05 p.m kien involut f’inċident li seħħ fi Triq il-Vitorja, l-Isla.
Mill-ewwel investigazzjonijiet li saru fuq il-post irriżulta li r-raġel ta’ 52 sena residenti Birżebbuġa kien waqa’ f’xaft waqt li kien qed jagħmel xi xogħol ġewwa l-istess residenza.
Il-membri mid-Dipartiment tal-Protezzjoni Ċivili ġew imsejħa fuq il-post sabiex jassistu lir-raġel u ambulanza ħaditu l-isptar Mater Dei għall-aktar kura meħtieġa.
Il-Pulizija tad-Distrett għadha għaddejja bl-investigazzjonijiet tagħha dwar il-każ.
