Raġel sofra ġrieħi wara li aktar kmieni għall-ħabta tad-9:00 a.m kien involut f’inċident ġo residenza fi Triq id-Duluri, iż-Żejtun.
Minn stħarriġ illi sar irriżulta li raġel ta’ 71 sena u residenti il-Ħamrun, weġġa’ wara li waqa’ minn fuq sellum.
Ir-raġel ingħata l-għajnuna minn tim mediku u ttieħed l-Isptar Mater Dei b’ambulanza. Aktar tard ġie ċċertifikat li weġġa’ gravi.
Membri mid-Dipartiment tal-Protezzjoni Ċivili kienu wkoll fuq il-post sabiex jassistu.
L-investigazzjonijiet tal-Pulizija għadhom għaddejjin.
