Il-Kamra tal-Periti ssospendiet il-warrant taż-żewġ periti li kienu nstabu ħatja b’rabta mal-mewt traġika ta’ Miriam Pace fil-Ħamrun. Dan intqal fi stqarrija mibgħutha mill-Karma tal-Periti stess.
Ġie spjegat li l-Perit Roderick Camilleri instab ħati bi ksur tal-kondotta professjonali u li naqqas li jħares il-prattiċi u standards professjonali. Dan filwaqt, li l-Perit Anthony Mangion instab ħati li naqqas milli jħares li jiżguraw standards u prattiċi professjonali.
Kien għalhekk li l-warrant tal-Perit Camilleri ġiet sospiża għal 28 xahar, filwaqt li dik tal-Perit Mangion ġiet sospiża għal 14-il xahar.
F’Lulju tal-2024, l-istess periti kienu nstabu ħatja ta’ qtil involontarju. Huma kienu ġew ikkundannati jagħmlu bejniethom 880 siegħa xogħol fil-komunità u multa ta’ €18,000..
L-Uffiċċju tal-Avukat Ġenerali appella mis-sentenza bl-Imħallef Aaron Bugeja laqa’ t-talba fejn waqt li ħassar il-multi u kkonferma s-sigħat ta’ xogħol li jridu jagħmlu fil-komunità, ikkundanna wkoll lill-Perit Camilleri għal sentejn ħabs sospiżi għal sentejn u lill-Perit Mangion għal 15-il xahar ħabs sospiżi għal sentejn.
