It-12-il edizzjoni tat-Teamsport Goalkeeper Battle se ssir fit-2 u t-3 ta’ Ġunju 2023 fil-ground ta’ San Gwann Football Club. Għal darb’oħra dan l-avveniment se jkun organizzat b’kollaborazzjoni mal-Kunsill Lokali San Ġwann u l-qligħ kollu se jmur għall-Fondazzjoni Zem Zem li hija organizzazzjoni volontarja li tipprovdi għajnuna monetarja lill-pazjenti li jbatu minn mard li għalihom il-kura ideali mhix disponibbli fis-sistema nazzjonali tas-saħħa tagħna.
Se jieħdu sehem ukoll numru sabiħ ta’ goalkeepers barranin mill-Italja, Spanja u r-Renju Unit f’diversi kategoriji.
Il-kategoriji kollha
U/09, U/11, U/13, U/15, U/17, U/19, Irġiel, Nisa, U15 Nisa
Kunċett ġdid din is-sena se jkun trofew għal dak il-klabb li se jkollu l-aktar midalji rebbieħa.
Jistgħu jieħdu sehem massimu ta’ 32 goalkeeper f’kull kategorija u se jkunu miġbura fi 8 gruppi ta’ 4 goalkeepers.
L-ewwel żewġ goalkeepers minn kull grupp se jgħaddu għall-fażi tan-knock out.
Kull partita se jkollha tul ta’ żewġ minuti għal darbtejn, u l-logħob kollu se jkun ikkontrollat mir-referees tal-MFA.
Se jingħataw trofej lir-Rebbieħa, Runners up u t-Tielet post kollha f’kull kategorija.
Il-parteċipanti kollha se jiksbu kit sħiħ tal-goalkeeper, ingwanti tal-goalkeeper u midalja kommemorattiva.
L-applikazzjonijiet se jitqassmu lin-nurseries kollha f’Malta u Għawdex u jinstabu wkoll f’TEAMSPORT fl-Iklin, ħanut DI MILANO SPORTS f’Raħal Ġdid u fil-ground ta’ San Gwann Football.
L-open days għall-ġbir tal-applikazzjonijiet se jsiru mis-Sibt 13 ta’ April u s-Sibt 20 ta’ April mid-9.00am sa 12.00pm fil-ground ta’ San Gwann Football.
Id-data tal-għeluq hija l-Ġimgħa 26 ta’ Mejju
Il-poloz se jittellgħu nhar it-Tnejn 29 u t-Tlieta 30 ta’ Mejju fit-Teamsport fl-Iklin
