Minn Cristian Muscat
Kif bdiet l-imħabba tiegħek lejn l-atletika fosthom lejn l-OCR?
L-imħabba tiegħi għall-atletika bdiet minn età żgħira. Bdejt bil-futbol u wara tħajjart nibda l-OCR. L-OCR bdejt nipprattikah madwar seba’ snin ilu.
X’suċċessi maġġuri rnexxielek tikseb sa issa f’dan l-isport li tant tħobb?
Jien dejjem kont persuna li nħobb nieħu sehem f’kompetizzjonijiet ta’ gruppi u mhux individwali. Bħala suċċessi personali nista’ ngħid li l-akbar suċċess għalija kien u għadu meta ningħaqdu flimkien u ngħinu lil min hu fil-bżonn permezz ta’ donazzjonijiet.
Konxju mill fatt li qed titrażmetti l-imħabba tiegħek lejn l-atletika lill-grupp ta’ Pulizija. Agħtina iktar dettalji.
Jien ili nagħmel parti attiva mill-kumitat tal-isport fil-Korp tal-Pulizija għal dawn l-aħħar erba’ snin, fejn minn hawn nixtieq nirringrazzja lil kull delegat tas-sapport li jagħtuni.
Wieħed mir-rwoli tiegħi huwa li nikkordina t-taħriġ u l-loġistika ta’ “The Police Grid Team”. Ta’ kull ġimgha jsir taħriġ speċifiku u mmirat biex intejbu l-livell ta’ nifs, l-abbilitajiet u s-saħħa ta’ dawn il-membri.
Bl-għajnuna tal-amministrazzjoni kif ukoll il-Kummissarju tal-Pulizija dan it-taħriġ huwa possibbli biex dawn il-membri mentalment u fiżikament iħossuhom aħjar. Nixtieq insemmi wkoll li dawn il- membri jiġu eżentati mix-xogħol waqt it-taħriġ.
Kif tqis il-livell tal-atletika f’pajjiżna fil-preżent?
Naħseb li l-livell tal-atletika f’pajjiżna tjieb ħafna. Jien niftakar żmien fejn lanqas kont tara lil ħadd jiġri barra. Illum l-affarijiet inbidlu, hawn aktar għarfien. Il-media soċjali llum il-ġurnata hija arma tajba biex jiġu mħabbra kompetizzjonijiet, li għaldaqstant ħa tħeġġeġ aktar nies jibdew xi tip ta’ attività sportiva.
U dak tar-riżorsi fejn titħarrġu u jkollkom il-kompetizzjonijiet uffiċjali tagħkom?
Nitħarrgu ġo postijiet pubbliċi u postijiet armati għall-OCR.
Bħala kompetizzjonijiet interni ikollna ħafna … biex insemmi xi ftit ikollna;
• The Police Hyrox Challenge
• POLRUN 5KM (Easter & Christmas addition) li tkun ukoll miftuħa għall-membri tal-pubbliku
• Snooker
• Chess
• Kampjonat tal-futbol intern bejn distretti u skwadri speċjalizzati.
Kif qed tħares lejn il-futur tiegħek fl-atletika?
Jien illum il-ġurnata għandi 40 sena u l-atletika hija parti importanti fil-ħajja tiegħi. Bħalissa qed nistudja biex inkompli ninforma ruħi u nibqa’ aġġornat bħala kowċ. It-taħriġ huwa l-aqwa mediċina għas-saħħa tagħna lkoll. Nixtieq nirringrazzja wkoll lill-komunità kollha ta’ THE FITNETICS fejn jien nagħmel it-taħriġ tiegħi, kif ukoll inħarreġ.
Għaddi messaġġ finali lil kull min jixtieq jaghmel karriera ta’ suċċess fl atletika.
Il-messaġġ tiegħi huwa dan … qatt taqta’ qalbek, pass wara pass tasal. Bl-Ingliż jgħidu “where the mind goes, the body will follow”. Dixxiplina, konsistenza u determinazzjoni huma essenzjali fl- atletika biex tasal għal dak li tixtieq!
‘It-taħriġ huwa l-aqwa mediċina għas-saħħa tagħna lkoll’ – Johann Vella
Minn Cristian Muscat
Kif bdiet l-imħabba tiegħek lejn l-atletika fosthom lejn l-OCR?
L-imħabba tiegħi għall-atletika bdiet minn età żgħira. Bdejt bil-futbol u wara tħajjart nibda l-OCR. L-OCR bdejt nipprattikah madwar seba’ snin ilu.
X’suċċessi maġġuri rnexxielek tikseb sa issa f’dan l-isport li tant tħobb?
Jien dejjem kont persuna li nħobb nieħu sehem f’kompetizzjonijiet ta’ gruppi u mhux individwali. Bħala suċċessi personali nista’ ngħid li l-akbar suċċess għalija kien u għadu meta ningħaqdu flimkien u ngħinu lil min hu fil-bżonn permezz ta’ donazzjonijiet.
Konxju mill fatt li qed titrażmetti l-imħabba tiegħek lejn l-atletika lill-grupp ta’ Pulizija. Agħtina iktar dettalji.
Jien ili nagħmel parti attiva mill-kumitat tal-isport fil-Korp tal-Pulizija għal dawn l-aħħar erba’ snin, fejn minn hawn nixtieq nirringrazzja lil kull delegat tas-sapport li jagħtuni.
Wieħed mir-rwoli tiegħi huwa li nikkordina t-taħriġ u l-loġistika ta’ “The Police Grid Team”. Ta’ kull ġimgha jsir taħriġ speċifiku u mmirat biex intejbu l-livell ta’ nifs, l-abbilitajiet u s-saħħa ta’ dawn il-membri.
Bl-għajnuna tal-amministrazzjoni kif ukoll il-Kummissarju tal-Pulizija dan it-taħriġ huwa possibbli biex dawn il-membri mentalment u fiżikament iħossuhom aħjar. Nixtieq insemmi wkoll li dawn il- membri jiġu eżentati mix-xogħol waqt it-taħriġ.
Kif tqis il-livell tal-atletika f’pajjiżna fil-preżent?
Naħseb li l-livell tal-atletika f’pajjiżna tjieb ħafna. Jien niftakar żmien fejn lanqas kont tara lil ħadd jiġri barra. Illum l-affarijiet inbidlu, hawn aktar għarfien. Il-media soċjali llum il-ġurnata hija arma tajba biex jiġu mħabbra kompetizzjonijiet, li għaldaqstant ħa tħeġġeġ aktar nies jibdew xi tip ta’ attività sportiva.
U dak tar-riżorsi fejn titħarrġu u jkollkom il-kompetizzjonijiet uffiċjali tagħkom?
Nitħarrgu ġo postijiet pubbliċi u postijiet armati għall-OCR.
Bħala kompetizzjonijiet interni ikollna ħafna … biex insemmi xi ftit ikollna;
• The Police Hyrox Challenge
• POLRUN 5KM (Easter & Christmas addition) li tkun ukoll miftuħa għall-membri tal-pubbliku
• Snooker
• Chess
• Kampjonat tal-futbol intern bejn distretti u skwadri speċjalizzati.
Kif qed tħares lejn il-futur tiegħek fl-atletika?
Jien illum il-ġurnata għandi 40 sena u l-atletika hija parti importanti fil-ħajja tiegħi. Bħalissa qed nistudja biex inkompli ninforma ruħi u nibqa’ aġġornat bħala kowċ. It-taħriġ huwa l-aqwa mediċina għas-saħħa tagħna lkoll. Nixtieq nirringrazzja wkoll lill-komunità kollha ta’ THE FITNETICS fejn jien nagħmel it-taħriġ tiegħi, kif ukoll inħarreġ.
Għaddi messaġġ finali lil kull min jixtieq jaghmel karriera ta’ suċċess fl atletika.
Il-messaġġ tiegħi huwa dan … qatt taqta’ qalbek, pass wara pass tasal. Bl-Ingliż jgħidu “where the mind goes, the body will follow”. Dixxiplina, konsistenza u determinazzjoni huma essenzjali fl- atletika biex tasal għal dak li tixtieq!
