Ġellieda Talibani ferrqu għexieren ta’ dimostranti nisa f’Kabul li nġabru biex jipprotestaw minħabba restrizzjonijiet li komplew jiħraxu kontrihom.
kważi sena wara li l-grupp militanti ħataf f’idejh il-poter mill-ġdid tal-belt, madwar 40 mara mexxew protesta fil-Kapitali Afgana fejn talbu għal aktar drittijiet.
Il-ġellieda Talibani ħatfu l-mowbajls tagħhom u sparaw diversi tiri biex waqqfu waħda mill-ewwel protesti tan-nisa fi żmien xhur.
Id-dimostranti kantaw favur it-talbiet tagħhom għal “ħobż, xogħol u libertà” huma u jġorru banner li jgħid “Il-15 ta’ Awwissu huw jum iswed” – referenza għall-ġurnata meta t-Taliban ħadu f’idejhom it-tmexxija ta’ Kabul fl-2021.
Skont rapporti, xi ġurnalisti li kienu qegħdin jirrappurtaw il-protesta wkoll sfaw imsawta.
Xi ġurnalisti li kienu qed ikopru l-mixja ġew irrappurtati wkoll imsawta.
Fis-sena minn meta t-Taliban reġgħu lura fil-poter, huma ħarġu diversi ordnijiet li jirrestrinġu l-libertà tan-nisa. Fost l-oħrajn huma ma tħallewx japplikaw għall-biċċa l-kbira tal-impjiegi tal-gvern, l-edukazzjoni sekondarja u milli jivvjaġġaw aktar minn 45 mil (70km) mingħajr gwardjan maskili.
