Dawk kollha taħt t-18-il sena għandhom jitqiesu bħala tfal u għandhom ikunu protetti ġejjin mil-liema stat ġejjin, b’mod speċjali dawk l-iktar vulnerabbli minħabba sitwazzjonijiet ta’ faqar u diżabilitajiet fost affarijiet oħra. Dan huwa l-messaġġ waqt id-diskussjoni li bdiet illum fil-binja tan-Nazzjonijiet Uniti fi New York.
Il-kelliema preżenti kellhom kliem pożittiv għal Malta li fil-Presidenza tal-Kunsill tas-Sigurtà tan-Nazzjonijiet Uniti qiegħda taqbad suġġet delikat bħal dan f’messaġġ favur il-paċi u s-sigurtà.
Din il-laqgħa qed titmexxa mir-Rappreżentanta Permanenti ta’ Malta għan-Nazzjonijiet Uniti, Vanessa Frazier li fl-ewwel kummenti tagħha lill-midja qabel bdiet id-diskussjoni qalet li huwa privileġġ għal Malta li qiegħda tmexxi din il-laqgħa.
