Min-nhar il-Ħadd, 29 ta’ Novembru se jitkompla jingħata s-servizz tat-tilqima kontra l-influenza b’xejn miċ-ċentri tas-saħħa madwar Malta u Għawdex.
Għall-ewwel ġimgħa, jiġifieri mill-Ħadd 29 ta’ Novembru sal-Ħadd 6 ta’ Diċembru, se jingħataw prijorità persuni ta’ ’l fuq minn 55 sena, tfal li għandhom bejn 3 u 5 snin (iz-żewġ etajiet inklużi) u persuni li huma ċċertifikati li jbatu minn mard kroniku.
Iċ-ċentri tas-saħħa kollha se jkunu miftuħa mit-8am sa 7pm mill-Ħadd ’il quddiem.
It-tfal ta’ bejn 3 u 5 snin, u tfal sa 9 snin li jbatu b’mard kroniku jistgħu jirċievu l-vaċċin miċ-ċentri tas-saħħa tal-Mosta, Floriana, Paola u Għawdex bejn it-8am u s-7pm.
Huwa importanti li kull min imur jieħu l-vaċċin kontra l-influenza jieħu miegħu l-karta t’identifikazzjoni, u fil-każ tal-persuni li jbatu b’mard kroniku trid tkun ppreżentata l-kartuna s-safra jew ċertifikat tat-tabib li turi l-kundizzjoni medika tal-persuna.
Mit-Tnejn 7 ta’ Diċembru l-vaċċin jibda jingħata lill-pubbliku inġenerali.
2nd batch of #Influenza vaccine (another 100,000) starts arriving in Malta this evening. Free vaccination resumes from #Health Centers from this Sunday.
— Chris Fearne (@chrisfearne) November 25, 2020
