It-tim nazzjonali tal-hockey immexxi minn Chris Attard telaq lejn il-Polonja sabiex jieħu sehem fit-tielet diviżjoni tal-Euro Hockey Championship li se jsir fil-belt Pollakka ta’ Skierniewice bejn l-24 u d-29 ta’ Lulju li ġej.
Malta telgħet biex tilgħab f’Pool A flimkien ma’ Ġibilta’, il-Kroazja, il-Litwanja, is-Serbja u l-Polonja.
It-tim Malti kienu ilu għaddej b’diversi sessjonijiet ta’ taħriġ intensivi taħt il-kowċ Attard għal dawn l-aħħar xahar sabiex ikunu ppreparati għal dan it-tournament.
L-iskwadra magħżula minn Attard hi din:
Goalkeepers: Marvin Grixti, Aaron Spiteri
Difensuri: Joseph Cuschieri (captain), Luke Borg Costanzi, Lucas Plaehn, Luke Brincat, Leon Gatt, Charlo Sammut, Christian Sammut.
Midfielders: Thomas Degiovanni, Zachary Degiovanni, Silas Plaehn, Karl Chircop, Keith Calleja, Luke Bajada
Attakkanti: Chris Agius, Anton Saliba, Julian Zahra.
Il-Maltin jidħlu fl-azzjoni nhar it-Tnejn bl-ewwel logħba kontra Ġibilta’.
