Nhar il-Ħadd li ġej jintemm il-Premier League Ingliż fejn baqa’ inċert sal-aħħar ġurnata bejn Manchester City u Liverpool hekk kif dawn tal-aħħar jinsabu punt taħt is-Citizens.
Għaldaqstant, saru żewġ trofrej fejn waħda tmur fl-Etihad Stadium u l-oħra tmur f’Anfield. Peró, il-fatt li s-City jinsabu fl-ewwel post, it-trofew oriġinali se tittieħed fl-Etihad filwaqt li r-replika tagħha se tintbagħat f’Anfield.
Bħalissa Manchester City qed igawdu punt minimu fuq Liverpool f’ras il-klassifika.
Filwaqt li huma se jospitaw lil Aston Villa, ir-Reds jilqgħu lil Wolves.