Anzjan ta’ 65 sena weġġa’ gravi wara li lbieraħ, għall-ħabta tan-12.30pm, il-Pulizija ġiet infurmata b’inċident tat-traffiku fi Triq Reġjonali, Santa Venera.
Il-Pulizija marret immedjatament fuq il-post u mill-ewwel investigazzjonijiet irriżulta li seħħ inċident bejn Nissan Leaf misjuqa minn raġel ta’ 45 sena residenti Tal-Pietà, Citroen C5 misjuqa minn raġel ta’ 49 sena residenti San Ġiljan u mutur Peugeot Tweet misjuq minn raġel ta’ 65 sena residenti l-Imsida.
Is-sewwieq tal-mutur ingħata l-għajnuna minn tim mediku, ittieħed l-Isptar Mater Dei b’ambulanza u aktar tard kien iċċertifikat bi ġrieħi gravi.
L-investigazzjonijiet mill-Pulizija għadhom għaddejjin.
