Raġel iddaħħal l-Isptar wara li għall-ħabta tal-12:15 a.m kien involut f’inċident tat-traffiku li seħħ fi Triq Louis Wettinger il-Mellieħa.
Minn stħarriġ illi sar irriżulta li raġel ta’ 38 sena kien tilef il-kontroll tal-karozza li kien qiegħed isuq tal-għamla BMW 420D u konsegwentament ħabat fi crash barrier.
Fil-post issejjaħ tim mediku u ambulanza li ħadet lir-raġel lejn l-Isptar Mater Dei għal aktar kura fejn aktar tard irriżulta li kien sofra ġrieħi gravi.
Il-Pulizija għaddejja bl-investigazzjonijiet fuq il-każ.
