Raġel iddaħħal l-Isptar wara li l-Ħamis għall-ħabta tat-8:30 p.m kien involut f’inċident tat-traffiku li seħħ fi Triq Burmarrad f’San Pawl il-Baħar.
Minn investigazzjoni li saret irriżulta li raġel raġel ta’ 47 sena residenti San Pawl il-Baħar kien qiegħed isuq karozzza tat-tip Daihatsu, tilef il-kontroll u ħabat fi crashbarriers. Konsegwentament, id-Daihatsu ħabtet ma’ karozza tal-għamla Otokar Kent 280 LF, li kienet qiegħda tinstaq minn raġel ta’ 42 sena residenti Ħaż-Żabbar.
Fil-post issejħet ambulanza u tim mediku li assista lir-raġel ta’ 47 sena sakemm huwa seta’ jittieħed lejn l-Isptar Mater Dei għal aktar kura. Aktar tard huwa ġie ċċertifikat li sofra minn ġrieħi gravi.
Il-Pulizija għaddejja bl-investigazzjonijiet b’rabta ma’ dan l-inċident.
