Raġel kellu jiddaħħal l-Isptar wara li lbieraħ, għall-ħabta tas-7:00 p.m., kien involut f’inċident tat-traffiku fi Triq il-Mitħna Ħal Qormi
Minn stħarriġ illi sar irriżulta li raġel Albaniż ta’ 32 sena residenti Ħad-Dingli, tilef il-kontroll tal-mutur li kien qed isuq, Kymco Agility, bil-konsegwenza li waqa’ minn fuqu.
Fuq il-post issejjaħ tim mediku sabiex jassisti lis-sewwieq tal-mutur u ambulanza ħaditu l-Isptar Mater Dei sabiex jingħata l-kura meħtieġa.
L-investigazzjonijiet tal-Pulizija għadhom għaddejjin
