Iż-żewġ koppji Maltin li tilfu ħajjithom traġikament fil-Kroazja se jinġiebu lura Malta għada.
Uliedhom u anke qraba oħrajn wara li seħħet it-traġedja telgħu l-Kroazja biex għamlu l-preparamenti kollha neċessarji biex il-katavri tal-qraba tagħhom jitwasslu lura f’pajjiżna.
Jeremy Gambin ta’ 68 sena, martu Lorraine ta’ 67 sena, kuġinuh Kevin Bonnici ta’ 67 sena u martu Alexandra ta’ 66 sena kienu għal btala flimkien meta seħħet it-traġedja.
Huma kienu qegħdin isuqu karozza li għal xi raġuni waqgħet fil-baħar. Aktar tard l-awtopsja kkonkludiet li dawn x’aktarx mietu mgħarrqa.
Qraba tal-koppja Gambin ħabbru li l-funeral tagħhom se jsir is-Sibt fil-Knisja tal-Balluta fid-9.30am.