Dak li jista’ jkun bidu ta’ kunflitt kbir fil-Lvant Nofsani beda l-lejl li għadda hekk kif Iżrael wettaq attakk kbir fuq il-kapitali,Tehran fejn fost l-oħrajn ħalla ħerba sħiħa fuq żoni residenzjali.
Il-midja Iranjana qiegħda tirraporta li saru splużjonijiet, fosthom fil-faċilità tal-uranju f’Naranz. B’mod immedjat Iżrael iddikjata stat ta’ emerġenza madwar il-pajjiż kollu hekk kif kien jidher ċar li l-Iran kien se jattakk lura.
Fil-fatt ftit tal-ħin wara l-Iran spara 100 drone lejn Iżrael. S’issa mhux magħruf xi ħsarat għamlu dawn id-drones fuq Iżrael.