Rapporti fil-midja internazzjonali qegħdin jgħidu li Iżrael minkejja li suppost hemm waqfien mill-ġlied f’Gaża, kompla jeqred aktar djar u binijiet tal-Palestinjani. S’issa jidher li qered aktar minn 1,500 binja u dan wara li fl-10 ta’ Ottubru beda waqfien mill-ġlied mal-grupp Ħamas.
Analisti politiċi qegħdin jgħidu li dan in-numru jista’ jkun ferm aktar għola minn dak li qiegħed jiġi rraportat fil-midja hekk kif f’Gaża ma tantx baqa’ nies li jisgħu jirraportaw dak li qiegħed iseħħ.
Ħafna qegħdin jargumentaw li dan it-twaqqgħi ta’ djar tal-Palestinjani jmur kontra dak mifthim biex seta’ jseħħ il-waqfien mill-ġlied.
Uffiċja għoli tal-Armata Iżraelita qal lill-aġenzija tal-aħbarijiet BBC li dan kollu qiegħed isir skont il-pjan ta’ waqfien mill-ġlied.
Ritratti li tellgħu fuq il-midja soċjali juru li kien hemm villaġġ sħaħ li nqerdu minn Iżrael u dan anke wara li kien hemm il-waqfien mill-ġlied.