Il-bieraħ għalqu l-offerti għall-bejgħ tal-club tal-Premier League Ingliż, mill-Punent ta’ Londra, Chelsea.
Il-jum tal-iskadenza għadda u kull min hu interessat li jixtri lil Chelsea Football Club kellu jissottometti l-offerta tiegħu qabel il-bieraħ fil-għaxija.
Hemm bosta investituri interessati li kkonfermaw l-intenzjonijiet tagħhom peress li Roman Abramovich poġġa l-club għall-bejgħ aktar kmieni dan ix-xahar, iżda kien l-jum tal-iskadenza biż-żmien li jispiċċa malajr biex jsiru l-offerti finali.
Il-manager tal-Blues, il-Ġermaniż, Thomas Tuchel, iffaċċja wkoll lill-midja aktar tard il-bieraħ qabel il-konfront ta’ Chelsea ma’ Middlesbrough tal-lejla mill-kwarti-finali tal-FA Cup, fejn ġie mistoqsi dwar firxa ta’ suġġetti, inklużi kwistjonijiet barra l-ground.
B’dan f’moħħu, huwa poġġa lura u ħalla lil ħaddieħor biex iżomm lil kulħadd aġġornat bl-aħħar aħbarijiet minn Stamford Bridge.
Tuchel irid li min isir is-sid il-ġdid jew is-sidien il-ġodda ta’ Chelsea “iħobb ir-rebħ”.
Mistoqsi x’tamiet ikollu għas-sidien eventwali l-ġodda ta’ Chelsea, Tuchel wieġeb: “Nittamaw li jħobbu jirbħu, dan ikun vantaġġ kbir.
“Jien assolutament mhux involut, żero. Jien infurmat minn żmien għal żmien, iżda għandna skeda pjuttost stretta u għalhekk ninsab kuntent li ma nkunx infurmat b’kull pass żgħir u ċans fil-proċess.”
Skond il-midja Ingliża, ditta tal-investiment ibbażata f’Kalifornja, Clearlake Capital, ingħaqdet mal-konsorzju ta’ Todd Boehly fit-tentattivi tagħhom biex itemmu l-akkwist ta’ Chelsea Football Club.
Boehly, li huwa l-proprjetarju parzjali ta’ Los Angeles Dodgers, huwa maħsub li huwa wieħed mill-vantaġġi biex jitlesta x-xiri tal-Blues.