Id-difensur internazzjonali Pollakk Jakub Kiwior jidher li se jibqa’ ma’ Arsenal meta l-aġent tiegħu ma rnexxielux jasal fi ftehim ma’ numru ta’ timijiet li xtaqu s-servizzi tiegħu. Fil-fatt Bologna, Inter u Olympique Marseille kollha kitbu lil dan l-aġent sabiex jaslu għalih iżda s’issa m’hemmx ftehim ma’ Arsenal.
Kiwior għandu 24 sena u lagħab 27 logħba mal-Gunners matul l-istaġun li għadda filwaqt li skorja żewġ gowls.
