Diversi timijiet Ewropej qed isegwu b’attenzjoni l-progress tal-midfielder offensiv James McAtee. Dan tal-aħħar twieled fis-sena 2002 u għalhekk għandu 22 sena. Hu jilgħab ma’ Manchester City bil-kowċ Pep Guardiola li dan l-aħħar kien qed jużah fil-kampjonat Premier Ingliż, Champions League, League Cup u Community Shield. Hu lagħab disa’ logħbiet u skorja gowl wieħed biss.
Min-naħa tiegħu, Guardiola ma jixtieqx li dan il-plejer jitlaq u appella lid-diriġenti tiegħu sabiex joffrulu kuntratt attraenti sabiex jestendi ż-żmien tiegħu fl-Etihad Stadium.
