L-attakkant veteran Kolombjan James Rodriguez qed jiġi segwit minn Inter Miami, it-tim li miegħu jilgħab l-istilla Arġentina Lionel Messi.
It-tim li jilgħab fil-Major League Soccer Amerikana se jipprova jmur għalih f’Jannar li ġej hekk kif l-avventura tal-attakkant ta’ 33 sena ma’ Rayo Vallecano waslet fi tmiemha.
Dan jista’ jkun it-12-il klabb ta’ James fil-karriera tiegħu wara li aktar qabel lagħab ma’ Envigado, Banfield, Porto, Monaco, Real Madrid, Bayern Munich, Everton, Al Rayyan, Olympiakos u Sao Paulo.
