Hekk kif kien qed jitkellem fuq stazzjon tat-televiżjoni Ingliż, l-eks plejer u llum opinjonist sportiv Jamie Carragher tkellem dwar il-penalizzazzjoni ta’ Everton tal-bieraħ meta tneħħewlhom 10 punti fil-klassifika.
Carragher qal li Everton kienu l-ħaruf tas-sagrifiċċju u sostna li l-PL Ingliża għandha bżonn tinvestiga klabbs oħra prominenti li aktar iva milli le kisru r-regolamenti.
Hu temm jgħid li l-PL iridu jħaffru aktar fil-fond u jaraw eżattament min verament qed jikser ir-regolamenti.
