Jan Busuttil ta’ Floriana huwa l-BOV Player tax-Xahar għal April u Mejju 2022.
Busuttil kien strumentali fir-rebħa ta’ 2-1 ta’ Floriana fil-Finali tal-FA Trophy fuq Valletta biex rebbaħhom it-tazza tant mixtieqa. Fid-19-il minuta tal-logħba, Busuttil irċieva cross minn fuq ix-xellug mingħand Jose Ulises Arias u bir-ras għeleb lill-goalkeeper ta’ Valletta Alessandro Guarnone bi stil biex fetaħ l-iskor għal Floriana.
Dan il-premju jixhed il-forma tajba ta’ Busuttil, li huwa t-tieni premju individwali dan l-istaġun wara li rebaħ ukoll dan l-unur matul ix-xahar ta’ Frar.
Ray Debattista, Kap tar-Riżorsi Umani fil-Bank of Valletta ppreżenta lil Busuttil bit-trofew tal-BOV Plejer tax-Xahar għal April u Mejju 2022.
Busuttil għażel lil Puttinu Cares biex tibbenefika mid-donazzjoni assoċjata ma’ dan il-premju.
Il-Bank of Valletta huwa sponsor ewlieni ta’ attivitajiet sportivi f’Malta f’konformità mal-impenji tiegħu ta’ ESG.
