Floriana FC ikkonfermaw s-servizzi ta’ wieħed mill-iktar players ta’ talent fl-iskwadra tagħhom meta l-attakkant Jan Busuttil ikkonferma il-futur tiegħu mal-club meta ffirma kuntratt ġdid ta’ erba’ snin
Busuttil kien meqjus bħala wieħed mill-aktar talenti promettenti fil-football Malti u gawda minn staġun mill-aqwa 2021-22.
Fil-fatt hu mhux biss kellu rwol ewlieni biex għen lil Floriana joffru sfida serja għat-titlu iżda wkoll ispira lill-Greens biex jirbħu l-FA Trophy, fejn skorja wieħed mill-goals fir-rebħa ta’ 2-1 fuq Valletta fil-finali.
“Il-midfielder offensiv ta’ kwalità Jan Busuttil ikkommetta l-futur tiegħu mal-Club billi ssiġġilla estensjoni ta’ kuntratt ġdid sal-2026,” ħabbar il-club tal-Premier League fi stqarrija.
“L-aħbar saret waqt il-Greens Night mill-president Johann Said li qal li l-aktar akkwisti importanti huma dawk li jżommu l-aqwa talenti tagħna ma’ Floriana FC minkejja l-isforzi ta’ clubs oħra biex jakkwistaw is-serviżżi tagħhom.”
“Ivvutat mill-membri tal-Club bħala l-Player tas-Sena għall-istaġun 2021/22, wara wirjiet mill-aqwa u goals deċiżivi, Jan huwa żgur destinat li jkompli jistabbilixxi ruħu bħala wieħed mill-aqwa players tal-football f’Malta.
“U se jagħmel hekk, mal-Boys in Green,” temmet tgħid l-istqarrija.
