Javi Gracia u Rafael Benitez qed jiġu kkunsidrati minn Leeds United biex wieħed minnhom ikun is-suċċessur tal-coach ta’ Jesse Marsch li tkeċċa ftit tal-jiem ilu.
Il-Peacocks kellhom lista ta’ coaches biex jieħdu post l-Amerikan iżda mingħajr suċċess. Dawn kienu Carlos Corberan ta’ West Brom, Andoni Iraola ta’ Rayo Vallecano u Arne Slot ta’ Feyenoord u Alfred Schreuder ta’ Ajax.
Wara li dawn il-pjani fallew, Leeds ħatru lill-assistent manager, Michael Skubula, biex imexxi lit-team fiż-żewġ logħbiet kontra Manchester United u Everton.
It-telfa ta’ 1-0 kontra Everton ħalliet lil Leeds fid-19-il post u b’ċans tajjeb li jiġu relegati.
Kemm Gracia kif ukoll Benitez għandhom esperjenza tal-Premier League u għaldaqstant tidher li l-għażla se taqa’ fuq wieħed minnhom.
