Il-winger ta’ Rennes Jeremy Doku ammetta li qed “jaħdem ħafna” biex jassigura li jmur jilgħab fil-Premier League fost interess rappurtat minn Liverpool.
Ir-Reds ilhom ammiraturi taż-żagħżugħ ta’ 19-il sena u ppruvaw jiffirmawh erba’ snin ilu, iżda ż-żagħżugħ irrifjuta l-mossa biex ingħaqad ma’ Anderlecht.
Minn dakinhar Doku ingħaqad ma’ Rennes u sar membru regolari tal-iskwadra tal-Belġju, u għamel żewġ dehriet fil-Euro 2020 matul is-sajf.
L-attakkant issa jinsab ħerqan biex jagħmel il-pass li jmiss fil-karriera tiegħu u ammetta li trasferiment ma’ wieħed mill-akbar clubs tal-Premier huwa x-xenarju tal-ħolm tiegħu.
“Irrid nagħmel minn kollox biex insir wieħed mill-aqwa players fid-dinja, f’wieħed mill-akbar clubs fid-dinja, fil-Premier League Ingliż jekk possibbli. U qed naħdem ħafna għal dan,” huwa qal.
Liverpool huma mifhuma li għadhom favoriti għall-firma ta’ Doku, għalkemm Chelsea u Arsenal t-tnejn qabel kellhom interess fil-Belġjan ukoll.
