L-attakkant internazzjonali Ingliż, Jesse Lingard, se jħalli lil Manchester United hekk kif fi tmiem l-istaġun ikun player liberu.
Huwa ilu mal-club mindu kellu seba’ snin.
Peró dan it-tluq xejn ma spiċċa fuq nota pożittiva hekk kif ħuh akkuża lill-club li naqas li jagħti tislima xierqa lil Jesse fl-aħħar partita tal-istaġun kontra Brentford, f’Old Trafford. Huwa deher irrabjat minħabba l-fatt li l-players, Nemanja Matic, Edinson Cavani, Jua Mata u Phili Jones, ingħataw l-aħħar tislima bil-flokk tar-Red Devils.
Sakemm dam jilgħab mal-United, Lingard ġie misluf lil Leicester City, Birmingham, Brighton, Derby County u West Ham.