Raġel ta’ 47 sena minn Bormla beda għaddej ġuri akkużat li stupra lil bintu ta’ disa’ snin f’żewġ okkażjonijiet lura fl-2004.
ll-ġuri qed jinstema’ wara bibien magħluqa u isem l-akkużat mhux qed jixxandar biex tkun protettat l-identità tal-allegata vittma.
Il-każ kellu l-bidu tiegħu snin wara meta t-tifla fetħet qalbha ma’ membru tal-MUSEUM u rrakkontat dak li kienet għaddiet minnu.
L-Imħallef Aaron Bugeja qed jippresjedi l-ġuri.
Il-prosekuzzjoni qed titmexxa mill-Avukati Anthony Vella u Kaylie Bonnett mill-Uffiċċju tal-Avukat Ġenerali filwaqt li l-Avukat Tonio Azzopardi qed jidher għall-akkużat.
