Dylan Cachia u Sasha Gatt komplew id-dominaza tagħhom fl-għawm fil-baħar meta għal darb’oħra ħadu l-ewwel post fit-tielet tellieqa tal-Kampjonati Garmin BSJ Open Water Swimming fis-Salina, aktar kmieni din il-ġimgħa.
Ospitata mill-Birkirkara St Joseph Sports Club, taħt l-awspiċji tal-Aquatic Sports Association ta’ Malta, it-tellieqa ta’ żewġ kilometri saret taħt kundizzjonijiet ta’ sfida aktar mis-soltu, bi mbatt u kurrenti aktar qawwija mis-soltu. Dan irriżulta f’ħafna għawwiema jirreġistraw ħinijiet itwal min-normal.
Cachia kompla bla telfa hekk kif kien fuq quddiem il-ħin kollu b’distakk komdu qabel it-tieni għawwiema Sasha Gatt. Gatt, li kienet qed tieħu sehem fit-tieni għawma tagħha fil-baħar miftuħ, irnexxielha tnaqqas 21 sekonda mill-ħin preċedenti tagħha u kienet it-tieni għawwiema barra mill-ilma. It-tielet barra mill-ilma kien Luca Vella li għam għall-parti tajba mit-tellieqa ma’ Gatt, madankollu Gatt eventwalment imxiet il-quddiem sabiex tikseb distakk fuq Vella.
It-tielet raġel li ħa l-podju kien Tristan Micallef, filwaqt li l-għawwiema nisa li ħadu posthom fuq il-podju kienu Martina Micallef u Roanna Farrugia. Micallef għelbet lil Farrugia għat-tieni post għall-ewwel darba din is-sena.
Fi tmiem it-tellieqa ġew ippreżentati midalji lill-ewwel tliet għawwiema irġiel u nisa mill-President tal-Klabb Ray Grech.
Ir-raba’ tellieqa tal-Kampjonati Garmin BSJ Open Water Swimming se ssir fl-20 ta’ Lulju fis-6:30 ta’ filgħaxija fis-Salina.
Ir-reġistrazzjoni online hija disponibbli permezz ta’ din il-link – https://bsj.mt/event/2022-bsj-open-water-swimming-championships-race-4/
Kampjonati Garmin BSJ Open Water Swimming – Riżultati Tellieqa Numru Tlieta
Irġiel Nisa
L-ewwel Dylan Cachia (23:58) Sasha Gatt (25:26)
It-Tieni Luca Vella (27:31) Martina Micallef (28:21)
It-Tielet Tristan Micallef (28:36) Roanna Farrugia (28:59)
